Kaldast á flogvøllinum

Lægsti miðalhiti í Føroyum seinastu góðu 20 árini er á flogvøllinum í Vágum.

Har er hann seks stig. 

Tann hægsti er í Kirkju, 6,9 stig.

Síðani koma Havnin, 6,5 stig, Akraberg 6,4 stig og 6,1 stig í Mykinesi.

Miðalvindmegin er 8,1 metrar um sekundið í Akrabergi, 7,8 í Mykinesi og 5,9 m/sek. í Havn. Fyri Kirkju og flogvøllin er eingin vindferð í tølunum, sum Hagstovan hevur kunngjørt.

Í tølunum eru eisini frostdagar. Teir vóru í miðal 62 á flogvøllinum, 49 í Havn, 46 í Mykinesi, 38 í Akrabergi og 36 á Kirkju. 

Í Havn var miðalhitin í fjør sjey stig, mesti hiti var 17,1 stig og tann minsti var minus 6,1 stig.