Lærusáttmálar seta met

137 nýggir lærusáttmálar vóru undirskrivaðir fyrsta ársfjórðing í ár, og tað er met, sigur Yrkisdepilin.

Fyrsta ársfjórðing í fjør vórðu 124 nýggir lærusáttmálar undirskrivaðir, og sambært Yrkisdeplinum er lærlingatalið hækkað á hvørjum ári síðani 2018, tá ið 100 nýggir lærusáttmálar vóru gjørdir fyrsta ársfjórðing.

Síðstu fýra árini eru lærlingar serliga farnir í læru sum sølufólk og húsasmiðir. 

Yrkisdepilin

Maskinsmiður og elektrikari

Árliga eru umleið 70% av øllum nýggjum lærusáttmálum innan hesi fimm yrki. 

Hagtølini hjá Yrkisdeplinum vísa eisini, at serliga maskinsmiðir eru ungir, tá ið teir fara í læru. Síðstu fimm árini hava maskinsmiðir verið í miðal gott 18 ára gamlir, meðan tey, sum fara í skrivstovulæru, eru í meðal gott 27 ára gomul.