VIDEO: Fólk flýggja úr Mariupol

Fleiri bussar við sivilfólkum fóru fyrrapartin úr Mariupol. Tað upplýsir ein talsmaður fyri borgarstjóran í býnum.

Talan er um samstarv millum ST, Reyða Kross, Russland og Ukraina

Fólkini, sum eru flutt burtur í dag, hava ikki hildið til á stálverkinum, men aðrastaðni úr Mariupol.

Sivilfólk og hermenn eru framvegis inni á stálverkinum, sum russar hava bumbað fleiri vikur.

Í gjár eydnaðist at flyta umleið 100 fólk burtur úr stálverkinum Azovstal.

Russiskar deildir hava í meira enn 14 dagar skotið eftir stálverkinum, men tað hevur ikki eydnast teimum at taka verkið.

Hóast Mariupol er bumbaður í sor, eru umleið 100.000 fólk framvegis í býnum. 

Sí myndir frá AP-tíðindastovuni, tá fólk vóru flutt burtur úr stálverkinum í Mariupol í gjár: