Nógvar flogferðir í Danmark avlýstar um vikuskiftið

Nógvar flogferðir í Danmark avlýstar um vikuskiftið
Í alt 86 flogferðir til og úr stóru donsku flogvøllunum vóru avlýstar um vikuskiftið.
 
27.06.2022 - 15:02

Flogfeløgini í Danmark avlýstu nógvar flogferðir um vikuskiftið.

Tilsamans 86 flogferðir til og úr teimum størru floghavnunum í Keypmannahavn, Billund, Aalborg og Aarhus vórðu avlýstar í gjár og leygardagin.

Skúlarnir fingu summarfrí í seinastu viku, so avlýsingarnar hjá flogfeløgunum komu dátt við, tí nógv høvdu annars ætlað sær á flog um vikuskiftið.

Avlýsingarnar ávirkaðu 10.000 - 12.000 ferðafólk, og tað vóru serliga ferðandi við SAS, ið kendu sviðan.

Umleið helmingurin av teimum 86 avlýsingunum vóru hjá skandinaviska flogfelagnum, skrivar check-in.dk

- Orsøkin er sjúkufrávera, KT-trupulleikar, seinkingar og manningartrupulleikar, sigur Alexandra Lindgren Kaoujk, kunningarleiðari.

Skandinaviska flogfelagið er longu girt í brøkur, og líkt er til, at tað versnar seinni í vikuni.

Mikudagin fara umleið 1.000 flogskiparar hjá SAS væntandi í verkfall, um semja um nýggjan sáttmála ikki er komin í lag áðrenn.

Er kopiera
Nýggjastu sendingar í ÚV
Mikudag 18. november
Vágskálin: Frá Jóannesi bónda til Frú S
216535
Mikudag 18. november
Skratsj 18. nov. 2026
216628
Mikudag 18. november
Mono 3 - Fróði Løksagarð - 181126
216627
Mikudag 18. november
Mannakor og korona 1:4
216604
Nýggjastu sendingar í SV
Mikudag 18. november
Dagur og vika - teknmálstulkað
216592
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486
Mánadag 16. november
Bygdarliv 4 – Eiði
216470