Róðursfólkið hevur alstóran týdning

Róðursfólkið telur helvtina.

Tað sigur Jannie Dan Jacobsen, sum enn einaferð stýrdi Jarnbardi til sigurs á jóansøku um vikuskiftið.

Bogi Olsen, formaðurin í kappróðrarfelagnum NSÍ, er samdur.

 - Tað eru øgiligir summarfuglar í búkinum á rógvarunum, tí nógv stendur upp á spæl, sigur hann.

 - At merkja, at tú hevur ein stýrimann, sum hevur tamarhald á tingunum, skapar ró hjá manningini.

Pedagogiskar gávur hjálpa

Tú krevst at hava góðar pedagogiskar gávur, um tú skalt vera gott róðursfólk. 

 - Tú mást vera kritiskur upp á ein konstruktivan máta. Tað nyttar ikki bara at rætta, tú mást samstundis lyfta upp, sigur Jannie Dam Jacobsen. 

Tað kemur serliga teimum ungu manningunum til góðar, at róðursfólki hevur royndir í kappróðri.

 - Allar tær royndir og øll tann vitan, eg havi, kann eg onkursvegna bera víðari til hesar ungu damurnar, sigur Sarita Maria Hansen.