Vanligar ferðatryggingar fevna um kreppuhjálp

Eftir skottilburðin í Fields er spurningur reistur um, hvussu fólk, ið hava verið á staðnum og møguliga eisini avvarðandi, kunnu fáa kreppuhjálp eftir tilburðin, har eisini fleiri føroyingar vóru hjástaddir.

Heilsumálaráðið kunnar um, at vanligar ferðatryggingar fevna um kreppuhjálp. Bæði Betri Trygging og Trygd veita kreppuhjálp til teirra, sum hava verið í samband við hendingina í Field’s og avvarðandi teirra. 

Tey, sum ikki hava ferðatrygging ella á annan hátt ikki eru fevnd av tryggingini hjá tryggingarfeløgunum, kunnu venda sær til Tilbúgvingarstovuna, ið kann veita teimum eitt tilboð um sálarliga fyrstuhjálp, skrivar hmr.fo. Tilbúgvarstovan hevur telefon 235 800.