Caption:
Robert E. Crimo hevur játtað seg sekan í at hava skotið frá hond og dripið sjey fólk í Highland Park tann 4. juli.
- Tíðindi, mentan og ítróttur
Játtar seg sekan
Játtar seg sekan
21-ára gamli maðurin, sum er undir illgruna fyri at hava skotið og dripið sjey fólk til eitt hátíðarhald í einari park í býnum Chicago, hevur játtað seg sekan
Minningarhald fyri teimum, ið lótu lív í skottilburðinum í Highland Park tann 4. juli.
Mynd: Ritzau Scanpix
07.07.2022 - 15:11
21-ára gamli maðurin, sum longu var undir illgruna fyri at hava dripið sjey fólk og særd fleiri onnur, hevur nú játtað seg sekan, tað skrivar Reuters.
Mánadagin 4. juli, sum er amerikanski frælsisdagurin, var hátíðarhald í einari park í Highland Park, ein forstaður til amerikanska býin Chicago, har nógv fólk vóru savnað.
21-ára gamli brotsmaðurin, Robert E. Crimo, stóð á einari tekju tætt við viðarlundina, tá hann skeyt eftir mannamúgvuni í parkini. Sjey fólk doyðu, og 47 onnur vóru særd.
Sambært løgregluni vóru yvir 70 skot skotin. Myndugleikarnir siga, at Crimo hevði fyrireikað álopið leingi.
Robert E. Crimo er nú ákærdur fyri sjey dráp, men væntað verður, at fleiri ákærur leggjast afturat.
Sambært løgregluni, hevði Crimo ætlanir um at fremja enn eitt álop, tá hann rýmdi frá parkini, men Crimo bleiv steðgaður av løgregluni áðrenn.
Enn er einki, sum bendir á, at álopið var politiskt ella rasistiskt motiverað.
Er kopiera
Nýggjastu sendingar í ÚV
Nýggjastu sendingar í SV
