Eingin bjóðaði seg fram at koyra dialysusjúklingar

Landssjúkrahúsið fekk einki tilboð, tá ið tað bjóðaði út at koyra dialysusjúklingar í Havn og aðrastaðni, har landfast er millum Havnina og bústaðin hjá sjúklinginum, til Landssjúkrahúsið og frá tí aftur.

Tilboðini vóru latin upp 23.juni, og vinnarin skuldi kunngerast 30.juni.

Men í staðin fyri var kunngjørt, at einki tilboð kom. 

Prísurin var 100 prosent í vektingini.

Sambært útboðstilfarinum eru í løtuni 12 sjúklingar, sum hava brúk fyri koyringini.

Kilometratalið er millum 8.000 og 10.000 um mánaðin.

Sandoyggin skuldi upp í koyringina, tá ið Sandoyartunnilin er tikin í almenna nýtslu.