Grava út fyri stórhøllini í ár

Arbeiðið at gera verkætlan um Føroya Arenu er byrjað, og eftir ætlan verður spakin settur í í hesum árinum.

Tað upplýsir Tórshavnar kommuna á heimasíðuni.

Øll fíggingin til stórhøllina er fingin, og tí kann farast undir byggingina.

Í nevndini fyri grunnin, sum skal standa fyri byggingini, eru  Heðin Mortensen, formaður, Guðrið Højgaard næstforkvinna, Bergur Poulsen, Elin H. Joensen og Annika Olsen.

Niels Mortensen og Tummas Justinussen

Niels Mortensen, Tummas Justinussen og Tróndur Sigurðsson manna bygginevndina.

Hava valt bygginevnd

Nevndin hevur eisini valt eina bygginevnd, sum saman við nevndini skal standa fyri at byggja stórhøllina. Í bygginevndina eru valdir Niels Mortensen, Tummas Justinussen og Tróndur Sigurðsson.

Niels Mortensen og Tummas Justinussen stóðu fyri at savna pening til stórhøllina. 

Skrivari hjá nevndini er Jógvan Emil Nielsen.

Projekteringin er byrjað, og eftir ætlan verður spakin settur í longu í ár, sigur Tórshavnar kommuna.