- Tíðindi, mentan og ítróttur
Fyrsti el-rikni alibátur latin Bakkafrosti
Fyrsti el-rikni alibátur latin Bakkafrosti
VIDEO & MYNDIR: Á hátíðarhaldi í Mest fyrrpartin vórðu lyklarnir til fyrstu el-riknu tvíkiljuna handaðir Bakkafrosti. Báturin er tann fyrsti av sínum slag
Bjarni Árting Rubeksen
Grønarók eitur nýggi alibáturin hjá Bakkafrost, sum er tann fyrsti el-rikni bátur av sínum slag
15.09.2022 - 12:50
Skipasmiðjan MEST handaði í dag Bakkafrosti lyklarnar til nýggja el-rikna alibátin, Grønarók.
Báturin er tann fyrsti av sínum slag.
"Tað er ein stórur dagur," sigur Regin Jakobsen, stjóri á Bakkafrosti, tá hann tók ímóti lyklunum til fyrsta el-rikna alibátin í landinum.
Ein roynd at finna grønar loysnir
Talan er um ein tvíkilju, ið hevur kostað 15 milliónir krónur.
Norðurlendska ráðharraráðið hevur saman við Føroya Landsstýri rindað fýra milliónir krónur av verkætlanini, sum hevur til endamáls at finna grønar orkuloysnir í fjarskotnum økjum.
Regin lovar einki
Stjórin á Bakkafrosti vil ikki lova, at hann fer at bíleggja fleiri slíkar bátar alt fyri eitt, tí tøknin er framvegis í menning.
Hóast lutfalsliga høga kostnaðin fyri nýggja bátin, so er Kári Mortensen, deildarleiðari á Umhvørvisstovuni, sannførdur um, at alifyritøkurnar skjótt fara at síggja fyrimunirnar við el-riknu alibátunum á botnlinjuni.
Battaríini umborð á Grønurók viga samanlang seks tons, og motororkan er 250 kilowatt.
"Seinastu dagarnar hava tey hjá MEST royndarsiglt bátin, og battaríini skulu halda upp til tólv tímar," sigur Mouritz Mohr, stjóri á MEST.
Kári Mortensen frá Umhvørvisstovuni vónar, at dagurin í dag er byrjanin til, at allir alibátar um nøkur ár vera el-riknir.
Bakkafrost fer ikki at bíleggja fleiri el-riknar enn. Sí meira her.
Er kopiera
Nýggjastu sendingar í ÚV
Nýggjastu sendingar í SV
