Hava yrkisskeið um landbúnað

Búnaðarstovan fer í heyst undir yrkisskeið innan landbúnað. 

Skeiðið gevur rætt til at festa landsjørð - uttan tey festi, ið hava mjólkneyt.

Skeiðið er 220 undirvísingartímar og ein skrivlig verkætlan.

Endar við próvtøku

Undirvísingin er á Búnaðarstovuni í Kollafirði og byrjar 25. oktober og endar næsta summar. Undirvíst verður týskvøld og hóskvøld.

Hvør skeiðspartur endar við próvtøku, og nakrar verkligar venjingar eru eisini.

Fólk, sum hava ítøkiliga avtalu um festaraskifti, hava framíhjárætt, skrivar heimasíðan hjá Búnaðarstovuni.