Nato-lond vilja økja stuðulin til Ukraina

Ríkisleiðararnir í níggju Nato-londum heita nú á øll 30 limalondini um at økja hernaðarliga stuðulin til Kyiv. 

Ukrainski forsetin, Volodymir Zelenskyj, boðaði púra óvæntað frá fríggjadagin, at landið biður um limaskap í Nato, og vil hava málið viðgjørt beinanvegin.

Hetta hendi sama dag sum forsetin í Russlandi, Vladimir Putin, kunngjørdi, at fýra ukrainskir landspartar eru limaðir inn í Russland.

Øll 30 limalondini skulu taka undir við ukrainskum limaskapi, og tað er lítið, sum bendir á, at landið fær limaskap í bræði.

Volodymyr Zelensky, Volodymyr Zelenskij - Mynd: Ritzau Scanpix

Ukrainski forsetin, Zelenskyj, vil hava limaskap í Nato alt fyri eitt. 

At landið longu er í kríggi, ger málið uppaftur torførari.

Stuðulin til Ukraina er tó stórur í teimum níggju londunum í Mið- og eysturevropa. Tey stúra fyri, at Russland kann hótta tey, um russisku deildirnar í Ukraina ikki verða riknar aftur.

Ríkisleiðararnir í Kekkia, Estlandi, Litava, Norðurmakedónia, Montenegro, Póllandi, Rumenia og Slovakia hava skrivað undir áheitanina, skriva NTB.