Fuglakrím eisini staðfest hjá heimafugli

Fuglakrím eisini staðfest hjá heimafugli
Hetta er sama slag fuglakrím, sum fyrr er staðfest í villum fugli í Føroyum
Fuglakrím er staðfest í djórahaldi í Havnardali. (Savnsmynd)
 
07.10.2022 - 12:58

Fuglakrím er nú eisini staðfest hjá heimafugli í Føroyum.

Tað boðar Heilsufrøðiliga starvsstovan frá í dag.

Heilsufrøðiliga starvsstovan fekk fráboðan um møguligt fuglakrím í einum djórahaldið í vikuni, og sýn vóru tikin av fuglunum. 

Nú eru svarini komin, og bæði hønur og gæs eru staðfestar positivar við fuglakrími. 

Talan er um H5N1, ið er sama slagið, ið fyrr er staðfest hjá villum fugli í Føroyum. 

 

Staðfest í Havnardali

Hetta slagið er tað sama, sum er staðfest um stóran part av Evropa í ár, men hevur higartil ikki verið atvold til álvarsama sjúku hjá fólki.

Eftir at fuglakrím hevur verið staðfest hjá villum fugli í Føroyum í eina tíð, er tað nú eisini staðfest í einum djórahaldi við heimafugli í Havnadali.

Av tí at fuglakrím er so álvarslig sjúka hjá fugli, og at ein ávísur, men sera lítil vandi er fyri, at fólk eisini kunnu smittast, er avgerð tikin um, at allir fuglarnir í rakta djórahaldinum verða tiknir av og beindir burtur. Økið skal vera tómt eitt tíðarskeið, sigur Heilsufrøðiliga starvsstovan.

Er kopiera
Nýggjastu sendingar í ÚV
Mánadag 16. november
Norðurljóð 16.november 2026
215027
Sunnudag 15. november
Bolero - Niels V. Gade
216433
Sunnudag 15. november
Guðstænasta í Haldarsvíkar kirkju
216428
Nýggjastu sendingar í SV
Mánadag 16. november
Veðrið
216486
Mánadag 16. november
Bygdarliv 4 – Eiði
216470
Sunnudag 15. november
Møti
216442
Sunnudag 15. november
Eitt dýpi av dýrari tíð 2:2
216214