Lutakastið til EM-undankappingina er nú klokkan 11

Um eina løtu er greitt, hvørji lond føroyska A-landsliðið í fótbólti við monnum skal spæla ímóti í undankappingini til EM í 2024. 

Klokkan 11 byrjar lutakastið í Frankfurt í Týsklandi í sambandi við, at Týskland verður vertur fyri EM-endaspælinum í 2024. 

Føroyar eru bólkaðir í bólki fýra av seks.

Við heimasíðuna hjá FSF sigur varaliðskiparin á landsliðnum, Viljormur Davidsen, at hann kundi hugsað sær, at Føroyar komu í bólk við Danmark, Onglandi, Íslandi, Kýpros og San Marino. 

Til ber at fylgja við lutakastinum á heimasíðuni hjá UEFA.