Xi Jinping staðfestir sítt vald

Kinesiski kommunistaflokkurin hevur floksting, men tað gongur ikki so friðarliga fyri seg, sum tað plagar. 

Sum nakað heilt óhoyrt hava mótmæli verið móti stranga koronupolitikkinum hjá flokkinum, sum hevur eina 0-hugsjón. Hetta hevur kostað landinum dýrt peningaliga og hevur eisini lagt hart trýst á fólkið í landinum.

Forsetin í landinum, Xi Jinping, hevur eisini í hyggju at verða afturvaldur sum landsins leiðari fyri triðju ferð. Tað var annars ein meginregla, at eingin leiðari kundi sita meira enn tvey skeið, men hetta fekk Xi Jinping broytt í 2018. Tað var gamli kommunistaleiðarin, Deng Xiaoping, sum fekk hesa meginreglu setta í verk, so tað kundi sleppast undan, at landið fekk ein líknandi leiðara sum Mao.

Úrslitið er, at núverandi forseti hevur at kalla óavmarkað vald í Kina.