Hákun West av Teigum skoraði 11 mál

Fyrr í dag frættist, at landsliðsleikarin í hondbólti Hákun West av Teigum rættiliga sannlíkt skal spæla í týsku Bundesliguni næsta ár við Füchse Berlin. 

Sjálvur kundi Hákun West av Teigum ikki vátta ella avsanna tíðindini, sum danski miðilin TV2 Sport visti at siga frá. 

Men í kvøld staðfesti Hákun West av Teigum, at hann er klárur til týsku Bundesliguna, um tað skuldi verið. 

11 mál

Høgri vongurin á landsliðnum skoraði ikki færri enn 11 mál, tá hann á útivølli spældi Europa League-dyst við felagi sínum Skanderborg Aarhus móti HC Eurofarm Pelister úr Makedonia. 

Serliga í fyrra hálvleikinum var Hákun West av Teigum flúgvandi, tá hann skeyt sjey mál av høgra vongi ella í skjótálopi. 

Føroyingurin var avgerandi fyri, at Skanderborg Aarhus vann sín fyrsta evropiska dyst nakrantíð við 30-27. 

Hagtøl frá dystinum