Bara eitt forfólk fekk flestar atkvøður

Bara eitt forfólk fekk flestar atkvøður í sínum flokki á fólkatingsvalinum í gjár.

Tað er Jenis av Rana í Miðflokkinum, sum fekk 634 atkvøður.

Í Sambandsflokkinum var Bárður á Steig Nielsen nummar fimm á listanum. Hann fekk 442 atkvøður. Í Javnaðarflokkinum gjørdist Aksel V. Johannesen nummar trý, hann fekk 565 atkvøður.

Høgni Hoydal var nummar tvey hjá Tjóðveldi, hann fekk 805 atkvøður.

Bjørt toppskorari hjá Tjóðveldi

Christian Andreasen var nummar fimm hjá Fólkaflokkinum, hann fekk 450 atkvøður. Og hjá Framsókn fekk Ruth Vang 258 atkvøður sum nummar tvey á listanum.

Hjá Tjóðveldi fekk Bjørt Samuelsen flestar atkvøður, 958.

Í Fólkaflokkinum er Jógvan á Lakjuni nummar eitt, hann fekk 683 atkvøður.

Og hjá Framsókn fekk Bjarni Kárason Petersen 308 atkvøður.