- Tíðindi, mentan og ítróttur
Bráðfeingis játtanarlógin einmælt samtykt
Bráðfeingis játtanarlógin einmælt samtykt
Sambært lógini kann landsstýrið krevja skatt og rinda neyðugar útreiðslur

Tingfundurin fyrrapartin var tann seinasti hjá Jógvani á Lakjuni, løgtingsformanni. Hann gevst nú í politikki. (Savnsmynd: Bjarni Árting Rubeksen)
15.11.2022 - 11:20
Løgtingið hevur einmælt samtykt bráðfeingis játtanarlóg fyri 2023.
Sambært lógini kann landsstýrið krevja beinleiðis og óbeinleiðis skattir, og landsstýrið fær eisini heimild til at rinda neyðugar útreiðslur, soleiðis at landshúsarhaldið ótarnað kann fara fram, og skyldur verða hildnar.
Orsøkin til fyribils játtanarlógina er, at løgtingsval er útskrivað í ótíð, og at løgtingið ikki verður liðugt at viðgera fíggjarlógaruppskotið, sum var lagt fram í heyst.
Ein samd fíggjarnevnd tók undir við uppskotinum um bráðfeingis játtanarlóg, sum var endaliga samtykt við atkvøðunum hjá øllum 29 tingfólkunum, sum vóru í tingsalinum seinasta tingfundin fyri valið.
Nýggjastu sendingar í ÚV
Nýggjastu sendingar í SV