Norra: Festi í turran lyng

Stórur vandi er fyri, at eldurin breiður seg, og politiið heitir á fólk í umráðnum um at fara úr húsum sínum ella at gera seg til reiðar at fara.

Tað skrivar norska blaðið, Verdens Gang.

Blaðið veit at siga, at fólk longu nú eru farin úr millum 15 og 20 húsum í umráðnum.

Tað hevur síðstu tvær vikurnar verið turrveður á leiðini, har eldurin á heiðini herjar, og nógvi vindurin, ið nú er, ger sítt til, at eldurin breiðir seg skjótt.