Nýggir meirilutaeigarar í oljufelagnum Magni

Eitt íslendskt íløgufelag yvirtekur meirilutan í oljufelagnum P/f Magni frá einum øðrum íslendskum íløgufelag.

Kappingareftirlitið hevur fingið fráboðan um, at íløgufelagið SF IV (fýra) ætlar at keypa partin hjá íløgufelagnum Hedda, 66 prosent, í P/f Magni.

SF IV (fýra) er nýtt felag, sum íløgufeløg, tryggingar og pensjónsgrunnar hava sett pengar í.

Kappingareftirlitið vil hava møguligar viðmerkingar um yvirtøkuna í seinasta lagi fríggjadagin á middegi.