Valplakatir kunnu vera til ampa

Løgreglan heitir á politisku flokkarnar um at ansa eftir, so valplakatirnar ikki eru til bága fyri ferðsluna.

- Fleiri staðni í Havn hanga nógvar valplakatir alt ov lágt og koma langt inn yvir gongubreytina. Hetta kann serliga vera til vanda fyri sjónveik, sigur løgreglan.

Løgreglan sigur, at valplakatir, sum hanga yvir gongubreyt, eiga at fylgja somu reglum sum fyri ferðsluskeltir. Ferðsluskelti skulu hanga 2,2 metrar uppi yvir gongubreytini, og 2,3 metrar yvir súklubreyt - tá verður mált frá vegnum upp til undirkandin á skeltunum, og tískil eisini plakatunum.

Tað er ikki loyvt at festa valplakatir á steyrar við ferðsluskeltum við gonguteigar.