Valtiltak á enskum fyri útlendingar

Í kvøld klokkan 19 verður skipað fyri valtiltaki á enskum á Reinsarínum í Havn.

Tiltakið er serliga ætlað teimum, sum ikki skilja føroyskt.

Flokkarnir, sum stlla upp til løgtingsvalið, fara at greiða frá sínum sjónarmiðum og valskránni. Og Regin Berg, stjórnmálafrøðingur, greiðir frá politisku skipanini í Føroyum. 

Eisini verður pallborðsfundur, m.a. um undirvísing í føroyskum

500 tilflytarar

Síðani seinasta løgtingsval eru fleiri enn 500 tilflytarar komnir aftrat til Føroya, og fleiri enn 400 fólk arbeiða nú eftir fast track-skipanini. 

Í vár var uppskot um integratiónslóg sent til hoyringar, men tað kom ikki í tingið, áðrenn valið var útskrivað, og í hesum árinum hava Føroyar á fyrsta sinni formliga tikið ímóti flóttafólki.

Útlendingastovan, integratiónssamskiparin í Tórshavnar kommunu og Amnesty International Føroyar skipa fyri tiltakinum.