Krúnan lagast eftir kongi

Bretski høvuðsríkisgimsteinur, St. Edwards Crown úr 18. øld, er tikin úr føstu framsýningini í Tower of London og flutt til eina ókenda adressu.

Orsøkin er, at kongakrúnan skal tillagast, so Charles kongur passar hana, tá ið hann næsta ár skal krýnast.

Tað upplýsir bretska kongshúsið á síni heimasíðu.

Charles kongur fær krúnuna á høvdið undir krýningarhátíðarhaldinum, sum verður í Westminster Abbey í mai mánaði.

Hátíðarhaldið er ein reinur formalitetur, tí Charles gjørdist kongur í somu løtu, sum mamma hansara, Elizabeth II drotning, andaðist í september mánaði.

St. Edwards Crown vigar 2 kilo og 230 gram, er úr reinum gulli og prýdd við rubinum, safirum, ametystum og øðrum gimsteinum.