- Tíðindi, mentan og ítróttur
Veljarakanning: Andstøðan fær meirilutan
Veljarakanning: Andstøðan fær meirilutan
Javnaðarflokkurin, Tjóðveldi og Framsókn, sum hava sitið í andstøðu hetta valskeiðið, fáa meirilutan, vísir veljarakanning, sum Gallup Føroyar hevur gjørt fyri Kringvarpið
Nýggja veljarakanningin vísir, at andstøðan fær meirilutan eftir valið hósdagin
06.12.2022 - 18:01
Nýggja veljarakanningin, sum Gallup Føroyar hevur gjørt fyri Kringvarp Føroya, gevur andstøðuflokkunum meirilutan í løgtinginum.
Javnaðarflokkurin, Tjóðveldi og Framsókn fáa tilsamans 18 tinglimir, meðan samgonguflokkarnir fáa 15.
Tískil er lagt upp til, at andstøðan tekur við valdinum eftir valið hósdagin.
Men so einfaldur er politikkur ikki.
Framsókn sær út til at fáa ein lyklaleiklut eftir løgtingsvalið hósdagin / Mynd: Bjarni Árting Rubeksen
BCF spøkir
Leingi hevur verið tutlað um, at Javnaðarflokkurin og Sambandsflokkurin eru áhugaðir at fara í samgongu saman.
Hetta ber eisini, sambært nýggju veljarakanningini. Saman við Framsókn hava Javnaðarflokkurin og Sambandsflokkurin 17 tingfólk.
Lagt er tískil upp til eitt sera spennandi val og samgongusamráðingar eftir valið, har Framsókn fær ein lyklaleiklut.
>>Sí eisini: "Veljarakanning: Fólkaflokkurin hevur fótað sær"
Er kopiera
Nýggjastu sendingar í ÚV
Nýggjastu sendingar í SV
