Europe høvuðsnavn á Summarfestivalinum

"Vinir, vit koma aftur til Føroya at framføra á Summarfestivalinum í 2023. Síggjast."

Tað skrivar heimskendi svenski rokkbólkinum Europe á sínum Facebook-vanga. 

Harvið er greitt, at Europe verður høvuðsnavn á Summarfestivalinum næsta ár. 

Europe, ið er serliga kendur fyri hittið "The Final Countdown", spældi á G! festivalinum í 2005, men nú koma teir loksins aftur til Føroya. 

Europe spælir á Summarfestivalinum fríggjakvøldið 4. august. 

Fleiri stór hitt

Europe hevur fleiri stór hitt, eitt nú "Carrie", "Rock The Night", "Superstitious" og "Cherokee". 

Men størsta hittið er "The Final Countdown", sum eisini er heitissangurin av gjøgnumbrotsplátuni hjá Europe frá 1986. 

Sangurin var ovast á hitlistum í yvir 25 londum, og við tíðini hevur sangurin vunnið sær støðu sum ein av stóru sangunum í rocksøguni – ein ordans rockklassikari.