Oljuleki hóttir veiðimenn

Einir 40.000 litrar, sum fóru í vøtn, eru tikin uppaftur, men teir írestandi 80.000 litrarnir eru framvegis á sjónum og har er ikki annað at gera, enn at bíða, til oljan er dampað burtur.

Hetta gongur út yvir veiðimenninar, sum nú rópa varskó og biðja landsstýrið um fíggjarliga hjálp, skrivar grønlendska kringvarpið, KNR.

Teir eru hart raktir, tí tann eini kópurin, teir fingu í gørnini, var so illa dálkaður av olju, at kjøtið luktaði illa og var ikki etandi. Heldur ikki kunnu teir selja skinnið, tí tað var smurt inn í olju, alt sum tað var.

Einki flakavirki er í Kulusuk, so tí liva veiðimenninir hesa ársins tíð bara av at selja kópaskinn og kópakjøt, men nú oljan hevur oyðilagt veiðimøguleikarnir, hava teir einki at liva av í desember mánaði.

Tí hevur fiski- og veiðimannafelagið í Kulusuk heitt á landsstýrið um at hjálpa til fíggjarliga, nú veiðimenninir eru komnir í trongstøðu av tí skaða, oljan hevur gjørt.