Pelé er deyður 82 ára gamal

Pelé úr Brasilia, ið mong meta sum tann besti fótbóltsspælari nakrantíð, og sum er tann einasti fótbóltsspælarin, ið vann HM tríggjar ferðir, er deyður av krabbameini

Pelé, sum vit kendu hann, stórsmílandi, er deyður, 82 ára gamal

Mynd: Ritzau / Scanpix

Uni L. Hansen

30.12.2022 - 02:24

Pelé varð føddur 23. oktober 1940 til sera vesallig kor í lítla brasilianska býnum Três Coracões.

Hann bleiv doyptur Edson Arantes do Nascimento, men sum smádrongur fekk hann eyknevnið Pelé, og tað gjørdist navnið, ið allur heimurin kendi hann undir.

Pelé

Pelé gjørdi 1281 mál í 1363 dystinum, tey 21 árini, hann spældi, eitt nú 77 mál í 92 landsdystum fyri Brasilia.

Pelé er einasti fótbóltsspælari, sum megnaði at vinna heimsmeistaraheitið tríggjar ferðir. Tað hendi í 1958, 1962 og 1970.

Pelé

Pelé bleiv eisini kosin heimsins besti spælari seinasta árhundrað á hátíðarhaldi hjá FIFA í 2000.

Pelé hevur seinnu árini stríðst við krabbamein, og í september 2021 varð hann aftur lagdur undir skurð fyri ein svull. Hann var aftur innlagdur seint í november í ár, áðrenn hann nú andaðist.

Pelé

Pelé varð giftur tríggjar ferðir og eftir hann sita sjey børn.

A inspiração e o amor marcaram a jornada de Rei Pelé, que faleceu no dia de hoje.

Amor, amor e amor, para sempre.
.
Inspiration and love marked the journey of King Pelé, who peacefully passed away today.

Love, love and love, forever. pic.twitter.com/CP9syIdL3i
— Pelé (@Pele) December 29, 2022