Fleiri deyð í amerikanska kavastorminum

Talið av deyðum í kavastorminum í USA um jólini er nú hækkað upp í 61, boða lokalir myndugleikar frá.

Erie County í statinum New York er ringast rakt. Har eru 39 fólk deyð orsakað av kavastorminum. Flestu offur er funnin í býnum Buffalo.

Lokalir myndugleikar óttast nú fyri vatnflóð, tá ið lýkka kemur í aftur og blot kemur í kavan.

Vetrarstormurin hevði sjáldsama nógvan kulda við sær í annars vanliga heitum statum, sum Texas og Florida, og flogferðslan hevur verið nógv darvað.

Bara Southwest Airlines avlýstu 15.000 fráferðir í eina góða viku.