Heimskenda røðin Paw Patrol á føroyskum

Um KVFTíðindi
Heimskenda røðin Paw Patrol á føroyskum
Kringvarpið hevur gjørt avtalu við Paramount um sesong 1, 2 og 3 av heimskendu hunda-teknirøðini Paw Patrol
Ryder og hundapatruljan búgva í Adventure Bay. Skjótt verður heimskenda røðin føroyskað.
 
01/05/2023 - 14:02

Kendu hundarnir í Paw Patrol vera at síggja á føroyskum. Paw Patrol er ein av best umtóktu barnarøðum í heiminum.

Í stuttum snýr røðin seg um 10 ára gamla drongin Ryder og hundarnar í patruljuni, sum saman loysa uppgávur í býnum Adventure Bay. Hundarnir hava ymiskar eginleikar, eitt nú er Chase løgregluhundur og njósnari, Marshall er sløkkiliðshundur, og Zuma bjargar fólki, sum eru í neyð á sjónum. 

Klár í 2024

Kringvarpið hevur gjørt avtalu við Paramount um rættindini til sesong 1, 2 og 3, og hvør sesongin er 26 partar.  

Røðin skal týðast og ljóðsetast, og væntandi verður fyrsta sesongin send í 2024.  

Betra um tilboðið til børnini

Kringvarpið roynir at fáa rættindi til fleiri kendar røðir, nú ætlanin er at koma við eini app til sjónvarpssendingar til børn í vár.

Appin skuldi koma tíðliga í vetur, men bæði fólkatingsval og løgtingsval seinkaðu arbeiðinum nakað, sigur Barbara Samuelsen, programmleiðari í Kringvarpinum.

- Arbeiðið við app og heimasíðu er komið væl ávegis, og tí koma vit í vár við einum betri tilboði til okkara yngstu hyggjarar. Tað hevur týdning at koma við einum føroyskum tilboði, tí útlendsku tilboðini til tey yngstu eru so mong, leggur hon afturat.  

Sí eisini

23.09.18
85658
03.03.18
78217
Nýggjastu sendingar í ÚV
Fríggjadag 1. desember
Vikuskiftið 1 des 2023
166809
Fríggjadag 1. desember
Biit 1.desember 2023
166802
Fríggjadag 1. desember
Harðskapur og versnandi livikor
166780
Fríggjadag 1. desember
Góðan morgun Føroyar 01.12.2023
166768
Nýggjastu sendingar í SV
Fríggjadag 1. desember
Veðrið
166815
Hósdag 30. november
Sært tú meg? (3:4)
166740
Mikudag 29. november
Húsavík í søgu og søgn
62612
Mikudag 29. november
Beautyvarpið við Katrinu
166490

Um kvf css