Lisa Marie Presley deyð

Lisa Marie Presley, einkardóttir Elvis Presley, sum eisini var sangari og sangskrivari, er deyð 54 ára gomul.

Tað upplýsir mamma hennara, Priscilla Presley, sambært The Guardian.

Sambært blaðnum varð Lisa Marie Presley við sjúkrabili í gjár í skundi løgd inn á sjúkrahús við einum møguligum hjartasteðgi.

- Tað er við tungum hjarta, at eg eri noydd at koma við hesum sorgartíðindum um, at mín vakra dóttir, Lisa Marie, er farin frá okkum, skrivar Priscilla Presley.

Lisa Marie Presley var fødd í Memphis, Tennessee, tann 1. februar 1968.