- Tíðindi, mentan og ítróttur
Effo og Magn í prískapping
Effo og Magn í prískapping
Annan dagin á rað er munur á bensin- og oljuprísunum hjá teimum báðum føroysku oljufeløgunum, Effo og Magn, men ikki er greitt, um hetta er av óvart ella tilvitað.
21.01.2023 - 18:28
Effo hækkaði sínar prísir hósdagin, men enn koyrir Magn eftir prísunum, ið vóru ásettir eina viku frammanundan, fríggjadagin 13. januar.
Tað vil siga, at ein litur av bensini ella ein litur av dieselolju frá Magn eru 12 oyru bíligari enn ein litur frá Effo.
Ein litur av bensini kostar 11,98 krónur, men 12,10 krónur frá Effo, og ein litur av diesel kostar 11,66 krónur frá Magn, men 11,78 krónur frá Effo.
Og skalt tú fylla tær oljutangan heima við hús, meðan prísmunurin er, so eru 125 krónur at spara fyri hvørjar túsund litrar frá Magn, samanborið við Effo.
Er kopiera
Nýggjastu sendingar í ÚV
Nýggjastu sendingar í SV
