Kanna framvegis álop á Skálatrøð

Álopið á ein gamlan mann á Skálatrøð í Havn sunnunáttina 11. desember í fjør verður framvegis kannað.

Nógvar avhoyringar eru gjørdar, men eingin er skuldsettur, sigur politiið.

Politiið hevur tó eina slóð at elta.

Sligin og sparkaður

Álopni maðurin, sum er í sjeytiárunum, var á veg til hús sunnunáttina 11. desember millum midnátt og klokkan hálvgum eitt, tá tríggir ungir menn lupu á hann á Skálatrøð.

Maðurin var sligin og sparkaður. 

Álopsmenninir vóru millum bilarnar, sum stóðu á Skálatrøð. Tá álopni maðurin rópti eftir hjálp, rýmdu ungu menninir.