Eisini lítið arbeiðsloysi í Grønlandi

Eins og í Føroyum, er arbeisloysið í Grønlandi sera lítið í løtuni.

Grønlendska hagstovan upplýsir, at miðalarbeiðsloysið í fjør var 3,7 prosent.

Fara vit 11 ár aftur í tíðina, var arbeiðsloysið í Grønlandi í 2011 í miðal 9,4 prosent fyri árið.

Arbeiðsloysið í løtuni er tað minsta, síðani grønlendska hagstovan fór at skráseta í 1989.

Birger Poppel, granskari á universitetinum í Nuuk, metir, at arbeiðsloysið í Grønlandi fer at minka uppaftur meira í ár.