Skammlop var atvold til eldin í Athenu

Nú stívliga 12 ár eftir, at eldur kom í verksmiðjutrolaran Athenu, er frágreiðingin hjá donsku skaðanevndini aftur ovast  á heimasíðu nevndarinnar.

Eldur var í 27.oktober 2010, og frágreiðingin kom í 2012. 

Eldur kom í, tá trolarin var veg til fiskiskap í Atlantshavinum við Móritania. 

111 fólk vóru við, men eingin fólkaskaði var.

Niðurstøðan er, at skammlop í einum ljósi í lastini á fyrsta dekki var orsøkin til eldin.

athena_eldur.jpg

Frá eldinum í Athenu, meðan hon lá í Saltangará.

Breiddi seg skjótt

Eldurin fór skjótt víðari, tí ein lúka var opin. Eldurin fekk tí fatur í pappi, sum var á øðrum dekki.

Har var eisini nógv luft, tí dyr og lemmar vóru opin. 

Einki bendir á, at skammlopið kom av tøkniligum breki í elveitingini umborð, sigur skaðanevndin. 

Men hon hevur nógvar viðmerkingar og atfinningar um eldsløkkingina. 

athena

Eldurin í Athenu, sum lá í Saltangará, kyknaði í bjálvingini.

Aftur eldur í

Athena var sleipað til Føroya til umvælingar.

9.mai 2011 kom aftur eldur í skipið. Eldur kom í bjálvingina. Ein kemisk prosess í bjálvingini festi í.

Athena gjørdist tá vrak.