Fíggjarlógaruppskotið lagt fram í dag

Fyrsta fíggjarlógaruppskotið hjá hesari samgonguni verður lagt fram á løgtingsfundi klokkan 11 fyrrapartin.

Útgangsstøðið er fíggjarlógaruppskotið, sum var lagt fram í heyst, við tillagingum og framskrivingum. 

Tað uppskotið datt burtur, tí val var útskrivað.

Størri avlop

Uppskotið, sum verður lagt fram í dag hevur størri avlop, enn uppskotið í fjør, sigur Ruth Vang, landsstýriskvinna í fíggjarmálum. Uppskotið í fjør hevði 12 milliónir í avlopi.

Sambært uppskotinum verður blokkurin úr Danmark skorin 25 milliónir krónur, sum eisini stendur í samgonguskjalinum.

Fyrsta viðgerð av fíggjarlógaruppskotinum verður hósdagin, sigur Ruth Vang.