Tíggju ára visjón í Vága kommunu

Borgarafundur verður í fimleikarhøllini á Giljanesi mikukvøldið.

Vága kommunu skipar fyri, og fundurin verður um visjón 2023, sum býráðið hevur gjørt. 

Visjónin skal umfata tíggju ár.

Í arbeiðinum at fyrireika visjónina hevur býráðið tosað við áhugabólkar, umsiting, vinnu og feløg í kommununi. 

Lættari at fremja arbeiði

Býráðið sigur, at ein kommuna við eini felags visjón hevur lættari við at fremja sítt arbeiði. 

Fyrisitingin hevur lættari við at skipa sítt arbeiði, fólk vita, hvønn veg, kommunan fer, og uttanhýsis áhugabólkar vita, hvørjum kommunan stendur fyri.

Tey, sum koma á borgarafundin mikukvøldið, kunnu fáa eitt eintak av visjónini.

Eftir fundin verður visjónin løgd á heimasíðuna hjá kommununi.

Hoyr samrøðu, sum Emil Lisberg Jacobsen gjørdi við Bjarna Prior, borgarstjóra, í útvarpstíðindunum: