30 fólk vald í grundlistanevnd

Løgtingið hevur valt 30 fólk í eina nevningagrundlistanevnd, fimm fólk í hvørjari sýslu, 16 kvinnur og 14 menn.

Nýggj nevningagrundlistanevnd verður vald fjórða hvørt ár. 

Føroya rættur finnur við lutakasti tey fólk, sum skulu brúkast, tá nevningating eru ella dómsfólk skulu brúkast.

Síðani verður lutakast millum teirra, sum tá eru eftir, at vera nevningar ella dómsfólk, tá Eystari landsrættur er í Føroyum.

Øll kunnu ikki fara í nevningagrundlistanevndina, so sum fólk, sum fylla 80 ár í valskeiðinum, fólk, sum eru illa fyri likamliga ella sálarliga, ella fólk, sum ikki eru so stinn í føroyskum ella donskum. 

Haraftat eru nógv útilokað, so sum landsstýrisfólk, embætisfólk, prestar og læknar til dømis.