Føroyar - Rumenia: Elias og hinir mugu vinna

Føroyar - Rumenia: Elias og hinir mugu vinna
Elias á Skipagøtu er klárur at spæla avgerandi heimadystin ímóti Rumenia, sum helst skal vinnast, um lív skal haldast í EM-vónini
0 seconds of 0 secondsVolume 90%
Press shift question mark to access a list of keyboard shortcuts
00:00
00:00
00:00
 
06.03.2023 - 18:18

Teir ivast ikki í týdninginum av dystinum. Um lív skal haldast í vónini um eitt EM-endaspæl í Týsklandi, skal heimadysturin ímóti Rumenia mikukvøldið vinnast.

 - Tað er øgiliga avgerandi. Tað er onkursvegna har, vit hava kjansin, tí niðri í Rumenia er tað øgiliga ringt, sigur Elias á Skipagøtu.

Føroyski spælskiparin var aftur á vøllinum fyri IK Sävehof fyri fyrstu ferð síðan í summar, og hann skjeyt ikki færri enn sjey mál í sigri á Önnereds HK. Elias sigur sjálvur, at knæið nú er gott aftur, og at hann er klárur at fara á vøllin í høllini á Hálsi mikukvøldið.

 - Tað hevur ræðuliga stóran týdning (fyri meg, red.). Tað forferdiligt seinast, tá eg ikki kundi vera við, at sita og hyggja í sjónvarpinum og vita, at eg ikki kundi hjálpa til, sigur Elias á Skiåagøtu. Landsliðsvenjarin, Peter Bredsdorff-Larsen, sum hevur longt sáttmálan við HSF til 2026, fegnast sjálvandi um, at spælskiparin aftur er tøkur, men ávarar ímóti at vænta ov nógv av honum.

Peter Krogh er eisini við aftur í hópinum, men hinvegin er báðir bakkarnir til høgru, Vilhelm Poulsen og Kjartan Johansen, úti. Hallur Árason úr VíF er við fyri fyrstu ferð, men hann ferð neyvan at spæla nógv hesa ferð.

 - Vit verða noyddir at spæla við einum, sum skjýtur við høgru hond. Vit hava funnið upp á nøkur ting, sum vit rokna við fara at rigga, sigur Elias á Skipagøtu.

 - Tað verða í fyrstu syftu teir minnu, skjótu spælararnir, sum skulu gera tað ímóti Rumenia, og tað verður ein stór uppliving fyri áskoðararnar, tí tað eru tvey sera ymisk lið, sigur Peter Bredsdorff-Larsen.
 

 
Er kopiera
Nýggjastu sendingar í ÚV
Hósdag 27. februar
Góðan morgun Føroyar
188367
Hósdag 27. februar
Morgunlestur hósdagur 27. februar 2025
187867
Mikudag 26. februar
Skratsj 26. februar 2025
188341
Mikudag 26. februar
Mono - Føroyskar perlur (3:4)
188335
Nýggjastu sendingar í SV
Hósdag 27. februar
DOKO1423 - teknmálstulkað
188375
Mikudag 26. februar
Ein søga um 45 ár
188344
Mikudag 26. februar
Dagur og vika - teknmálstulkað
188292
Týsdag 25. februar
Veðrið
188278
Týsdag 25. februar
Dagur og vika við 3-2 - teknmálstulkað
188272