Serlækni: Lógin um fosturtøku er ótíðarhóskandi

Lógin um fosturtøku í Føroyum er ótíðarhóskandi, sigur Diana Reynstind, serlækni. 

Gamla lógin frá 1956 er ein trupulleiki fyri læknarnar, tí teir vera kriminaliseraðir, sigur Diana Reynstind.

Kvinnur skulu upplýsast um, hvat tað ber í sær, og hvørjar avleiðingar tað kann hava at fáa eina fosturtøku, sigur hon.

Hoyr innslag í útvarpstíðindunum, sum starvsnæmingur okkara úr Hoyvíkar skúla, Eva Garoflou, setti saman:

Kvinnufelagið um fosturtøkulóg

Tað er ein grundleggjandi mannarættur at sleppa at ráða yvir egnum lívi. Henda rættin hava kvinnur í Føroyum ikki, tá tað snýr seg um fosturtøku.

Tí er málið um rættin til trygga fosturtøku í Føroyum tað týdningarmiklasta javnstøðumálið at fáa loyst, skrivar Kvinnufelagið í Havn í sambandi við kvinnudagin.

Verandi fosturtøkulóg í Føroyum varð sett í gildi fyri 67 árum síðani. 

Tað einasta rætta er, at vit fáa eina lóg í Føroyum, sum tryggjar, at tær kvinnur, sum ynskja tað, kunnu fáa trygga fosturtøku í Føroyum, sigur Kvinnufelagið í Havn.