Viðgjørdu verjusemjuna og eftirlitsradaran

Høgni Hoydal, landsstýrismaður, hitti í dag Troels Lund Poulsen, virkandi verjumálaráðharra.

Á skránn fyri fundin vóru millum annað komandi verjusemjan hjá donsku stjórnini og ætlanirnar at seta upp lofteftirlitsradara á Sornfelli.

- Føroyskir myndugleikar - Løgting og landsstýri - eiga at vera partur av øllum avgerðum, sum viðvíkja trygd og verju um okkara leiðir, sigur Høgni Hoydal.

Og hann heldur fram: 

- Í tí sambandi er eisini neyðugt við samstarvi millum føroysku og donsku stjórnirnar, og fundurin í dag legði lunnar undir hesa tilgongd, sigur Høgni Hoydal, landsstýrismaður.

Næsti fundur millum Høgna Hoydal og Troels Lund Poulsen verður eftir ætlan í Føroyum í apríl.