Ruth Vang: Størri veiðigjald eigur ikki at koma óvart á vinnuna

Árni Skaale, fyrrverandi landsstýrismaður, heldur, at veiðigjøldini hjá skipunum, sum fiska í Barentshavinum, er ógvislig, tí tey verða tvífaldað næsta ár.

Í útvarpstíðindunum á middegi setti hann eisini spurnatekin við, um landsstýrið ætlar at halda fram við fiskivinnusamstarvinum við Russland næsta ár, tí nýggju gjøldini fyri flotan í Barentshavinum koma í gildi 1. januar.

Ruth Vang, landsstýriskvinna, sum eigur uppskotið um veiðigjøld sigur, at tað eigur ikki at koma óvart á vinnuna, at veiðigjøldini hækka, tí tað boðaðu allir flokkar, sum nú eru í samgongu, frá í valstríðnum.

20220819_nyggi_akraberg_komin_heim_0003.jpg

Akraberg er ein av trolarunum, sum fiska í Barentshavinum.

Greina fiskivinnusamstarvið

Ruth Vang sigur, at endalig støða er ikki tikin til fiskiveiðisamstarvið við Russland enn, tí málið verður greinað.

Men sama hvussu verður við Russlandssáttmálanum, er greitt, at føroysk skip fara at fiska í norska partinum av Barentshavinum, so eitt dagført veiðigjald skal kortini ásetast fyri Barentshavið næsta ár, sigur Ruth Vang.

Hoyr innslag í útvarpstíðindunum: