Atkvøða um misálit á franska forsetan

Limir í franska tjóðartinginum fara í dag at taka støðum til tvey uppskot um misálit á franska forsetan, Emmanuel Macron. 

Misálitini eru reist, eftir at forsetin skal hava nýtt eitt hol í lógini, sum gevur heimild til at fara uttan um tjóðartingið, fyri at fáa eina lóg samtykta, í hesum førinum uppskotinum um pensjónsnýskipan. 

Lítli miðflokkabólkum, Liot, legði fríggjadagin fram uppskot um misálit á Macron. 

Uppskotið hevur stuðul frá Nupes-samgonguni á ytsta vinstravonginum. 

Og fáar tímar seinni reisti Tjóðskaparylkingin sítt uppskot um misálit á forsetan.

Mótmæli í Fraklandi, pensjónsaldur í Fraklandi

Seinastu tíðina hava verið nógv mótmæli í Fraklandi ímóti ætlanini at hækka pensjónsaldurinur 62 árum upp í 64 ár. (Mynd: Ritzau Scanpix)

Hækka pensjónsaldurin

Macron vónaði, at nýskipanin hjá sær m.a. at hækka pensjónsaldurin úr 62 upp í 64 ár, fór at gera seg til forsetan, sum broytti búskapin hjá Fraklandi í hesi øldini. 

Men stór mótstøða er móti nýskipanini, bæði í tjóðartinginum og í gøtunum. 

Fleiri ógvislig mótmæli hava verið móti nýskipanini, og limir í stóru fakfeløgunum í landinum hava verið í verkfalli.

Franska tjóðartingið fer í dag atkvøða um bæði misálitini.