Landsrætturin staðfesti dóm um trygdarvarðhald

Eystari landsrættur hevur staðfest dómin í Føroya rætti, um at 30 ára gamli Poli Henry Jóhansson skal í trygdarvarðhald, upplýsir ákæruvaldið.

Maðurin var í Føroya rætti i november funnin sekur í at hava framt tvey rán, í 2019 og 2022,  og fyri neytøkuroynd í mars í fjør.

Av tí at maðurin fleiri ferðir er dømdur fyri neyðtøkuroyndir, kravdi ákæruvaldið, at hann skuldi dømast í trygdarvarðhald, og hesum tók nevningatingið í Føroya rætti undir við.

Dømdi maðurin skeyt dómin í Føroya rætti inn fyri landsrættin, sum í dag hevur staðfest dómin í Føroya rætti.

Meiri verður at frætta í útvarpstíðindunum klokkan 12.20.