Ukraina havnar vápnahvíld

- Øll uppskot um vápnahvíld merkja, at Russland fær heimild til at vera verðandi í hertiknu økjunum. Og tað kann als ikki góðtakast, skrivaði Mykhailo Podoljak á Twitter í gjárkvøldið.

Kina legði í februar mánaði fram eina friðarætlan í 12 stigum, og bað um umfatandi vápnahvíld í Ukraina. 

Kinesiski forsetin Xi Jinping var á vitjan í Russlandi í farnu viku, har hann legði fram ætlanina fyri russiska forsetan Vladmimir Putin.

Aðalskrivarin í Nato, Jens Stoltenberg, hevur áður sagt, at Beijing manglar trúvirði sum friðarmeklari í Ukraina, tí Kina hevur ikki fordømt russisku innrásina í Ukraina.