Sethúsaeigarar gjalda skuld

Í januar í ár vóru 95 prosent av skuldini hjá føroysku húsarhaldunum lán við avdráttum. Samstundis vóru 87 prosent av samlaðu skuldini hjá húsarhaldunum við broytiligari rentu.

Tað merkir, at rentuhækkingarnar ávirka lánsgjøldini hjá allarflestu húsarhaldum, staðfestir Føroya Váðaráð, sum um dagarnar hevur havt sín tjúgunda fund.

Meginparturin av føroysku húsarhaldunum, ið hava skuld, skylda minni enn tvær milliónir krónur, og bara um tíggju prosent av húsarhaldunum hava eina skuld, sum er yvir tvær milliónir.

Húsarhaldini, sum skylda yvir tvær milliónir krónur og samstundis skylda meira enn tríggjar ferðir sína árligu inntøku, eru í miðal 27,8 ára gomul.