Eftirspurningurin eftir fígging fer at minka

Hækkaða rentan ger, at húsahaldini fara ikki at hava so stóran áhuga fyri fígging í ársfjórðinginum, sum nú er byrjaður.

Tað hevur Landsbankin fingið at vita frá peningastovnunum. 

Í triðja ársfjórðingi søgdu teir, at fíggjarstøðan var óbroytt hjá húsarhaldunum. 

Peningastovnarnir vænta ikki, at fíggjarstøðan fer at versna í fjórða ársfjórðingi, hóast rentan hækkar.

Teir siga, at eitt sindur størri eftirspurningur var frá húsarhaldunum eftir fígging í triðja ársfjórðingi.

Men teir vænta, at eftirspurningurin fer at minka nú í fjórða ársfjórðingi, tí rentan er hækkað.