Taliban stongir útvarpsstøð

Hesi tiðindi hevur AP-tíðindastovan frá Najiu Sorosh, sum hevur staðið á odda fyri útvarpsstøðini.

- Umboð fyri afghanska mentanar- og reinlætismálaráðið møttu upp á støðini og stongdu hana, sigur hon.

Najia Sorosh sigur hetta vera eitt óneyðugt stig hjá Taliban-stýrinum at taka, tí útvarpsstøðin hevur hildið allar lógir og reglur.

Nógv tíðinda- og miðlafólk mistu størv síni, tá ið Taliban í august í 2021 aftur tók við valdinum í landinum.