Kanna nýggjar sethúsaánarar

Váðaráðið fer nú at kanna bólkin av húsarhaldum, sum ogna sær bústað á fyrsta sinni.

Hesi eru vanliga tey, ið eru mest viðkvom mótvegis rentu- og príshækkingum, tí tey sum oftast hava stóra skuld.

Føroya Váðaráð er enn í byrjanini av hesum greiningararbeiði, men danska váðaráðið hevur roynt at skilmarkað og greinað bólkin av nýggjum sethúsaánarum í Føroyum.

Greiningin vísir, at seinnu árini eru færri nýggir sethúsaánarar komnir í Føroyum – møguliga, tí høgu sethúsaprísirnir forða teimum at sleppa inn á bústaðarmarknaðin.

Eisini vísir greiningin, at restskuldin hjá nýggjum sethúsaánarum er jøvn og at skuldin er lægri enn virðið á húsunum, sigur Váðaráðið.