Íslendskt tíðindablað gevst

Fréttablaðið hevur verið mest lisna tíðindablað um alt Ísland.

Ein orsøk til, at Fréttablaðið nú gevst, er, at sosialir miðlar og útlendskar stroymingartænastur fara við 45 prosentum av øllum lýsingarinntøkunum.

Íslendski mentanar- og vinnumálaráðharrin, Lilja Dögg Alfreðsdóttir, ásannar, at hetta ger tað trupult hjá óheftum miðlum at standa seg í kappingini og yvirliva.

Eisini verður nú kjakast í Íslandi um, hvussu rætt tað er, at almenna kringvarpið, RÚV, bæði skal fáa játtan á fíggjarlógini og sleppa at selja lýsingar.