Váðaráðið letur væl at

Hetta, tí búskaparligu lyklatølinini, so sum útflutningur, arbeiðsvirkni, arbeiðsloysi og lønargjaldingar, eru framvegis jalig.

Vøkstur hevur verið í útlánum frá føroysku bankunum síðani miðskeiðis í 2022 og var hann 4,6% í januar í ár.

Útlánsvøksturin stavar í løtuni frá útlánum til privatar fyritøkur og húsarhald.

Fólk taka av uppsparingini
Samstundis eru innlánini í føroysku bankunum økt frá vinnuni, men húsarhaldini hava ikki økt stórvegis um síni innlán.

Hetta kann komast av prís- og rentuhækkingunum, ið kunnu gera tað neyðugt hjá summum húsarhaldum at taka burtur av uppsparingini ella at seta minni pengar á konto.

Føroya Váðaráð heldur tí ikki, at greið tekin eru um, at systemiskir váðar eru í umbúnað í føroyska bankageiranum.

Framvegis heldur ráðið eyga við viðurskiftum, ið kunnu ávirka fíggjarliga støðufestið í Føroyum.